Альма – самы сучасны тэлескоп

Эрапейскія навукоўцы працуюць над стварэньнем на тэрыторыі Чылі найбуйнейшага й найбольш складанага тэлескопу сьвету. Альма - так называецца гэтая прылада – складаецца зь некалькіх дзясяткаў спадарожнікавых антэнаў. Яна створаная з мэтай наватарскіх адкрыцьцяў у сусьвеце.

Тэлескоп будавалі з 2003 году. Цяпер у дзеяньне былі ўведзеныя 20 спадарожнікавых антэнаў. Гэта гіганцкія белыя тарэлкі, якіх праз два гады павінна быць ажно 66. Цяпер навукоўцы складаюць вялікую мазаіку з панэляў, якія адбіваюць сьвятло сонца.

Альма павінна рэгістраваць электрамагнітную хвалю даўжынёй у мілімэтар, а нават і карацейшую. Гэта, паводле навукоўцаў, дазволіць асабліва падрабязна дасьледаваць найстарэйшыя рэгіёны сусьвету, чорныя дзіркі ці народзіны плянэтаў.

Паводле адмыслоўцаў, антэны Альмы - гэта „піраміды XXІ стагодзьдзя”, якія пачнуць залаты пэрыяд у гісторыі астраноміі. Апэратарам тэлескопу зьяўляецца Эўрапейская паўднёвая абсэрваторыя.

аз