У старажытным Эгіпце знайшлі рэдкую жывёлу

Адзіную выяву птушкі-сакратара, вядомую на помніках старажытнага Эгіпта, адкрыў польскі археоляг. Птушка адлюстравана ў храме Хатшэпсут у Дэйр эль-Бахары. Адкрыцьцё зрабіў эгіптоляг з Польскай акадэміі навук Філіп Татэрка.

Барэльеф з выявай сакратара (лац. Sagittarius serpentarius) датуецца XV ст. да н. э. Знаходзіцца недалёка ад Люксора.

На барэльефе адлюстравана вялікая экспэдыцыя фараона ў Пунт — тэрыторыю сучасных Этыёпіі і Эрытрэі.

Раней лічылася, што птушка гэта — журавель. Аднак правільную ідэнтыфікацыю дапамаглі зрабіць арнітолягі з Паўднёва-Афрыканскай Рэспублікі.

вк