Менск далучаецца да #30daysofbiking

Усьлед за плянэтай беларуская сталіца далучаецца да акцыі 30 дзён на ровары. З такім заклікам да менчукоў выступіла Менскае роварнае таварыства.

30 Days of Biking альбо 30 Дзён на ровары – гэта акцыя, якую прыдумалі амэрыканскія грамадзкія актывісты. За некалькі год яна зрабілася папулярнай ва ўсім сьвеце. Акцыя палягае на тым, каб даць абяцаньне цягам 30 дзён, пачынаючы з 1-га красавіка, езьдзіць на ровары. Арганізатары заахвочваюць усіх жадаючых далучацца, рэгіструючыся на іх старонцы 30daysofbiking.com/. Каб заахвоціць патэнцыйных удзельнікаў прыводзяцца 31 прычына ўдзелу, у тым ліку тое, што гэта нагода для радасьці цягам 30 дзён ды магчымасьці есьці ўсё, што хочацца. Вядома ж калёрыі спаліце на ровары.

Сёлета выклік 30 дзён на ровары прынялі ў Менску. Пальчатку падняло Менскае роварнае таварыства. Арганізацыя заклікае менчукоў ды беларусаў далучацца, бо будзе азартна ды натхняльна. Тым больш, што арганізацыя плянуе на гэтыя 30 дзён зладзіць шэраг цікавых мерапрыемстваў.

Якія цікавінкі падрыхтавалі на 30 красавіцкіх для аматараў двух колаў у Менску мы размаўлялі са старшынём Менскага роварнага таварыства Паўлам Гарбуновым.

Поўную размову слухайце ў гукавым файле

Размаўляў Юры Ліхтаровіч