Twitter уводзіць функцыю перакладу

Абнаўленьне Twitter, створанае на базе функцыяналу пошукавіка Bing ад Microsoft, дазволіць перакладаць твіты з 38 моў, паведамляе Digit.ru са спасылкай на блёг каманды Bing.

На працягу года Microsoft і Twitter супрацоўнічалі па пытаньні пераадоленьня моўных бар'ераў для карыстальнікаў Twitter, гаворыцца ў паведамленьні. Магчымасьць перакладу ў Twitter ужо даступная ўладальнікам прылад з Windows Phone. Для астатніх карыстальнікаў абнаўленьне знаходзіцца на стадыі тэставаньня.

Функцыя падтрымлівае 38 моў на базе Microsoft Translator. Іконка ў выглядзе глёбуса зьявіцца побач з твітом, пераклад якога даступны. Калі націснем на іконку, тэкст перакладу зьявіцца пад асноўным тэкстам твіта.

Bing – пошукавая сыстэма, распрацаваная карпарацыяй Microsoft. У 2012 годзе яна займала другое месца ў сьпісе самых папулярных пошукавых сайтаў па аб'ёме трафіку.

Карыстальнікі сэрвісу мікраблёгаў Twitter разьмяшчаюць на сайце больш за 400 мільёнаў паведамленьняў штодня. Актыўная аўдыторыя карыстальнікаў Twitter, якія пакідаюць хоць бы адно паведамленьне ў месяц, перавышае 200 мільёнаў чалавек.

РИА Новости/эб