У грэцкіх аптэках не хапае вакцын і антыбіётыкаў

У грэцкіх аптэках не хапае вакцын для малых дзяцей, а таксама некаторых антыбіётыкаў. Фармацэўтычныя канцэрны ў сувязі з эканамічнымі праблемамі ў Грэцыі абмяжоўваюць пастаўкі лекаў. Фармацэўты папярэджваюць, што праблема адсутнасьці вакцын закране ўсю Эўропу.

Не хапае прышчэпак супраць адзёру, краснухі й поліяміэліту. Грэцкія фірмы абмяжоўваюць вытворчасьць з увагі на адсутнасьць наяўных на рынку. У сваю чаргу абмежаваньні ў руху капіталу прычыняюцца да абмежаваньня імпарту замежных лекаў.

Фармацэўты тлумачаць, што па прычыне дзіры ў бюджэце ўлады хочуць выдаваць менш грошай на фінансаваньне лекаў. Таму паніжаюць іх кошты. Гэта ў сваю чаргу не карысна замежным кампаніям, якія ня хочуць прадаваць свае лекі ў Грэцыю.
Грэцкія фармацэўты ацэньваюць, што ў бліжэйшыя месяцы праблема адсутнасьці лекаў паглыбіцца, паколькі расьце доўг дзяржавы фармацэўтычным кампаніям.

ав