Кірыл: Царква ня ўмешваецца ў падзеі ва Ўкраіне

Руская Праваслаўная Царква ня ўмешваецца ў падзеі ва Ўкраіне. Аб гэтым запэўніў Патрыярх Маскоўскі і ўсяе Русі Кірыл.

„Царква павінна займацца людзьмі, а не падтрымкай нейкіх палітычных інтарэсаў”, - сказаў праваслаўны іерарх падчас паседжаньня Маскоўскага Праваслаўнага савета.

Маскоўскі патрыярх запэўніў, што царква не займалася палітыкай і не намераваецца гэтага рабіць цяпер. „Царква павінна быць вышэй за ўсе паядынкі ды павінна захаваць свой мірны характар", - сказаў Кірыл.

У той жа час іерарх заклікаў ўкраінскіх і расейскіх сьвятароў праводзіць пастырскую місію, якая будзе спрыяць працэсу прымірэньня. Кірыл адзначыў, што царква адкрытая для ўсіх людзей, незалежна ад іх палітычных поглядаў, таму яна не павінна мець ворагаў.

аз