Службы занятасьці - рэгістрацыя ў інтэрнэце

Ведамства працы плянуе ўвесьці магчымасьць рэгістрацыі беспрацоўных пры дапамозе інтэрнэту. Гэта, на думку чыноўнікаў, павінна зьменшыць чэргі беспрацоўных перад офісамі службаў занятасьці.

Рэгістрацыя беспрацоўных пры дапамозе сеціва - гэта выдатная ідэя, - лічаць экспэрты рынку працы ды эканамісты.

У ацэнцы Агнешкі Булік, чым раней будзе створаная гэткая магчымасьць, тым лепш.

Агнешка Булік: Таксама, як у выпадку падаткавых заяваў, якія можна перадаваць у Падаткавыя ведамствы пры дапамозе інтэрнэту ды захоўваньня дадзеных у лічбавай форме, можна ўвесьці магчымасьць рэгістрацыі беспрацоўных шляхам сеціва. Рэчаіснасьць прымушае нас мяняцца.

Магчымасьць рэгістрацыі ў інтэрнэце напэўна з задавальненьнем сустрэнуць маладыя беспрацоўныя, якія ахвотна карыстаюцца сецівам, - пераконвае Маніка Закшэўска з Польскай канфэдэрацыі прыватных працадаўцаў „Lewiatan”.

Маніка Закшэўска: 27% польскіх выпускнікоў апынаецца ў сьпісах беспрацоўных. Гэта маладыя асобы, якія без праблемаў карыстаюцца інтэрнэтам.

- кажа Маніка Закшэўска.

Усё ж экспэрты падкрэсьліваюць, што інтэрнэт ня можа быць адзінай магчымасьцю рэгістрацыі беспрацоўных. Тым ня менш, калі нават не ўсе беспрацоўныя зарэгіструюцца ў службах занятасьці пры дапамозе сеціва, то і так чэргі ля іхных офісаў зьменшацца, - пераконваюць адмыслоўцы.

аз