Польскі суд вынес пакараньне расейскаму пілёту

Да пазбаўленьня волі на паўгоду ўмоўна прыгаварыў радамскі суд расейскага пілёта, абвінавачанага ў парушэньні зачыненай польскай паветранай прасторы. Інцыдэнт адбыўся падчас Сусьветных дзён моладзі. Расеец таксама павінен заплаціць амаль 3 тысячы даляраў штрафу.

Пілёт быў удзельнікам Чэмпіянату сьвету ў авіяакрабатыцы ў Радаме. У Польшчу ён прыляцеў з Чэхіі. Мужчына тлумачыў, што ня ведаў пра візыт Папы рымскага і зачыненую паветраную прастору.

Судзьдзя не паверыў гэтым тлумачэньням. Паводле яго, абавязкам пілёта было праверыць, якія правілы абавязваюць на тэрыторыі Польшчы. Пілёт гэтага не зрабіў, а таму злачынства было наўмысным.

Расейскі пілёт можа падаць на апэляцыю.

ав