Польшча пабудуе 40 тысяч танных кватэр

Да 2025 года на рынак сацыяльнага будаўніцтва трапіць каля 6,2 мільярдаў злотых. Гэта вялікая сума, якая дасьць магчымасьць мясцовым уладам пабудаваць каля 30-40 тысяч танных кватэр для сацыяльнага найму ды на прытулкі для бяздомных.

Сродкі атрымаюць мясцовыя ўлады. Гэта добры напрамак, кажуць экспэрты, бо патрэбы сацыяльнага будаўніцтва ў Польшчы вялізарныя.

Урад плянуе дадзеныя сродкі атрымаць са скарачэньня праграмы Кватэра для маладых, якая была дзяржаўнай даплатай да камэрцыйных крэдытаў на жытло. Вызваленыя сродкі будуць скіраваныя на камунальнае будаўніцтва, што дазволіць павялічыць колькасьць кватэр для бедных семʼяў, асобаў на мяжы галечы ды сацыяльна маргіналізаваных, якія не ў стане ані набыць, ані арэндаваць кватэру.

Патрэбы ў гэтым абшары вялізарныя. На дадзены момант, улады паведамляюць, што патрэбна каля 100 тысяч сацыяльных кватэр.

ПР/юл