Польскія гімназісты пішуць экзамены

Амаль 364 тысячы вучняў з амаль 7 тысячаў польскіх школаў здавалі сёньня першы экзамен для гімназістаў, то бок тэст па гісторыі, грамадзказнаўстве й польскай мове.

Паводле дырэктара Цэнтральнай экзаменацыйнай камісіі Марціна Смоліка, сёлетняя тэставая сэсія будзе праходзіць безь ніякіх зьменаў.

Першы экзамен па гісторыі й грамадзказнаўстве працягваўся 60 хвілін. Пасьля перапынку вучні пісалі экзамен па польскай мове, які доўжыўся дзьве гадзіны.

У сваю чаргу ў сераду гімназістаў чакаюць два наступныя іспыты. Першы, па біялёгіі, хіміі, фізыцы й геаграфіі, пачнецца а 9.оо раніцы. Другі, па матэматыцы, пачнецца а 11.00.

Чацьвер – гэта дзень экзамену па замежнай мове. Вучні будуць пісаць яго на двух узроўнях: пачатковым і пашыраным. Для напісаньня абодвух тэстаў яны будуць мець па 60 хвілін.

Ужо вядома, што 80% гімназістаў хочуць здаваць экзамен па ангельскай мове на павышаным узроўні. Другой мовай, якую найчасьцей выбіраюць вучні, зьяўляецца нямецкая мова. Экзамен па гэтай мове на базавым узроўні плянуе здаваць 12% вучняў.

аз