Севярынца асудзілі на чарговыя 10 сутак арышту

Суд Фрунзенскага раёна Менска пакараў Паўла Севярынца за акцыю супраць рэстарана «Поедем поедим» ля Курапат.

Суд палічыў знаходжаньне Севярынца ля рэстарана са сьцягам несанкцыянаваным пікетам і пакараў яго на 10 сутак арышту.

Сам Севярынец на пасяджэньне суда не прыйшоў. Ён заявіў, што ўлады такім чынам хочуць зьбіць хвалю пратэсту супраць рэстарана ля Курапат.

Палітык быў затрыманы міліцыяй і накіраваны ў ізалятар.

У ліпені Севярынец ужо правёў 10 сутак за кратамі за пікет ля Курапат.

Аднак пікет ля рэстарана «Поедем поедим» будзе працягвацца, — заявіў палітык.

Суды завялі ўжо больш за 140 адміністрацыйных спраў на грамадзян, якія пратэставалі супраць рэстарана «Поедем поедим».

Svaboda.org/вк