На 61% вырасла колькасьць прысудаў за карупцыю ў Беларусі

У Беларусі сёлета асудзілі на 5,1% менш людзей, чым летась за першае паўгодзьдзе. Пра гэта паведаміў Валерый Калінковіч, намесьнік старшыні Вярхоўнага суда.

За 6 месяцаў гэтага года разгледзелі 23 039 спраў. Асудзілі 20 236 чалавек. Апраўдалі толькі 43-х. Аднаго зь іх — абвінавачанага ў забойстве, 11 апраўданых судзілі за злачынствы супраць прыватнай свабоды, гонару і годнасьці.

Колькасьць асуджаных за карупцыю сёлета вырасла на 61% у параўнаньні зь леташнім першым паўгодзьдзем.

Nn.by/вк