Беларуска атрымала прэмію Швэдзкай акадэміі

Перакладчыца Надзея Кандрусевіч-Шыдлоўская атрымала прэмію «Гарачае сэрца» за адданасьць дзіцячай літаратуры Швэцыі і яе папулярызацыю.

​Паводле Швэдзкай акадэміі дзіцячай кнігі, актыўнасьць перакладчыцы паспрыяла павышэньню статусу дзіцячай літаратуры ў Беларусі, і таксама умацаваньню культурных сувязяў дзьвюх краін.

Прызавы фонд прэміі склаў 10 тысяч крон (2 288 рублёў на момант публікацыі).

Надзея Кандрусевіч перакладае дзіцячыя кнігі са швэдзкай мовы ўжо 10 гадоў. ​Дзякуючы ёй па-беларуску загаварылі пэрсанажы сусьветнай вядомай сэрыі пра Маму Му швэдзкіх казачнікаў Юі і Томаса Вісландэраў.

У сакавіку перакладчыца абвясьціла пра адкрыцьцё ўласнага выдавецтва.

Паводле Радыё «Свабода»/юл