Лукашэнка падтрымаў ідэю адмяніць роўмінг з Расеяй

Кіраўнік Беларусі Аляксандр Лукашэнка на пасяджэньні Вышэйшага дзяржаўнага савету Саюзнай дзяржавы Беларусі й Расеі ў Маскве падтрымаў адмену роўмінгу на тэрыторыі дзьвюх краінаў – паведамляе афіцыйнае інфармагенцтва БЕЛТА. Разгледзець гэтае пытаньне прапанавала сьпікер Савета Фэдэрацыі Расеі Валянціна Матвіенка.

«Мне здаецца, гэта было б вельмі карысна і для бізнэсу, і для грамадзян нашай Саюзнай дзяржавы», – сказала Валянціна Матвіенка й прапанавала даручыць міністрам сувязі Беларусі й Расеі разглядзець пытаньне адмены роўмінгавых аплатаў. Аляксандр Лукашэнка падтрымаў дадзеную ідэю. «Думаю, гэта разумная прапанова. Давайце даручым», – заявіў кіраўнік Беларусі.

belta.by/ап