Уладзімір Някляеў ня можа выехаць у Польшчу і Ўкраіну

Пра гэта адзін з лідараў Беларускага Нацыянальнага Кангрэсу, паведаміў у Фэйсбуку.

"У нядзелю 14 траўня зьбіраўся быць у Варшаве, дзе абвешчаны сумесны з Зьміцерам Вайцюшкевічам канцэрт. 16 траўня меў намер выехаць у Кіеў і Луганск, каб па запрашэньні Саюза пісьменьнікаў Украіны прыняць удзел у Шаўчэнкаўскім сьвяце", - напісаў паэт.

Аднак на 17 траўня Някляева «запрасілі» ў суд Ленінскага раёна горада Менска. Позву ў суд уручылі пад расьпіску, папярэдзіўшы, што пры любой спробе ўхіленьня ад яўкі на судовае пасяджэньне, у тым ліку пры спробе выезду за мяжу, паэт будзе затрыманы і дастаўлены ў суд прымусова. Пад канвоем.

Уладзімер Някляеў просіць прабачэньня перад усімі, хто прыйдзе на канцэрт у Варшаве, перад Саюзам пісьменьнікаў Украіны.

racyja.com/яс