На ўдзельнікаў акцыі салідарнасьці з Пальчысам складзеныя пратаколы

Паводле словаў сустаршыні аргкамітэта па стварэньні партыі «Беларуская хрысьціянская дэмакратыя» Паўла Севярынца, каля дзесяці пратаколаў складзена на ўдзельнікаў акцыі салідарнасьці з блогерам Эдуардам Пальчыса, якая прайшла 18 кастрычніка ля будынка Менскага гарадзкога суда.

14, 17 і 18 кастрычніка актывісты розных апазыцыйных арганізацый прыходзілі да будынка суда з партрэтамі Пальчыса й бел-чырвона-белымі сьцягамі, каб выказаць падтрымку блогеру. Супрацоўнікі міліцыі лічаць акцыю незаконнай, складаючы на яе ўдзельнікаў пратаколы аб адміністрацыйным правапарушэньні.

У аўторак, паведаміў БелаПАН Севярынец, пратаколы складзеныя ў адносінах яго самога, Максіма Вінярскага, Юліі Фраловай, Сяргея Стрыбульского, Алеся Макаева, Сяргея Пальчэўскі, Аляксея Шэіна й інш.

Адвакат Пальчыса, паведаміў Севярынец, сказала, што скандаваньні ўдзельнікаў акцыі добра чуваць у зале суда. Таксама, паводле словаў палітыка, яна адзначыла, што «працэс не затрымліваецца, але ў яго вялікі абʼём матэрыялу», а таму суд на гэтым тыдні наўрад ці завершыцца.

naviny.by/вс