Севярынец аштрафаваны на 1 тыс. 50 рублёў за акцыю «За новыя выбары»

Суд Фрунзенскага раёна Менска 18 кастрычніка аштрафаваў сустаршыню аргкамітэта па стварэньні партыі "Беларуская хрысьціянская дэмакратыя» (БХД) Паўла Севярынца на 50 базавых велічыняў (1 тыс. 50 рублёў) за ўдзел у акцыі «За новыя выбары», якая адбылася ў Менску 12 верасьня. Пра гэта БелаПАН паведаміў сам палітык.

Суд прызнаў Севярынца ў парушэньні арт. 23.34 КаАП (удзел у несанкцыянаваным масавым мерапрыемстве). «Мяне абвінавацілі ў тым, што я стаяў на фоне расьцяжкі «Лукашэнка сыходзь», выкрыкваў «Жыве Беларусь!» і публічна выказваў сваё меркаваньне адносна выбараў у Палату прадстаўнікоў», - сказаў ён.

17 кастрычніка за ўдзел у гэтай жа акцыі суд Ленінскага раёна Менска аштрафаваў на 40 базавых велічыняў (840 рублёў) яшчэ аднаго сустаршыню БХД Віталя Рымашэўскага.

Акцыя «За новыя выбары» прайшла на наступны дзень пасьля парлямэнцкіх выбараў па ініцыятыве былога палітвязьня Мікалая Статкевіча. Сабраўшыся на Кастрычніцкай плошчы, каля 300 чалавек прайшлі калёнай да Дома ўрада

naviny.by/вс