Суд над маладафронтаўцам адбудзецца 19 жніўня

Суд над маладафронтаўцам Яроменкам прызначаны на 19 жніўня. Пра гэта паведаміў сам актывіст.

„Учора ўдзень мне патэлефанавалі з Першамайскага суда й папрасілі зайсьці ў канцылярыю, каб забраць пастанову аб прызначэньні судовага разьбіральніцтва. Разам з пастановаю мне ўручылі судовую позву з датай і часам правядзеньня судовага паседжаньня, а таксама папярэдзілі, што ў выпадку няяўкі ў суд мне будзе зьмененая мера ўтрыманьня,”- распавёў Уладзь Яроменак.

Суд адбудзецца 19 жніўня а 14:30 па адрасе: вул. Талбухіна, 9.

Нагадаем, у дачыненьні да маладафронтаўца Ўладзя Яроменка ўзбуджана крымінальная справа па артыкуле 421 Крымінальнага кодэкса, нібыта за парушэньне прэвэнтыўнага нагляду.

mfront.net/аз