Судзяць Ірыну Халіп

Два гады таму Заводзкі суд Менску прызнаў жонку былога кандыдата на прэзыдэнта Андрэя Саньнікава вінаватай ва ўдзеле ў масавых беспарадках 19 сьнежня 2010 году і прысудзіў ёй 2 гады пазбаўленьня волі з адтэрміноўкай на два гады.

З таго часу Ірына Халіп пад пільным наглядам міліцыі: з 22 вечара яна мусіла быць дома, да яе ў любы дзень і час маглі прыйсьці з праверкай, ёй нельга было зьяжджаць зь Менску без дазволу, штотыдзень журналістка мусіла адзначацца ў міліцыі.

Суд прыме рашэньне ці вызваліць Халіп, адправіць у калёнію ці пакінуць у гэтым статусе яшчэ на нейкі тэрмін.

яс/svaboda.org