Кандыдат у мэры Варшавы Патрык Які адкрыў кафэ для сустрэчы з выбаршчыкамі

Грамадзяне, якія захочуць сустрэцца з кандыдатам у мэры Варшавы ад правых палітычных сілаў Патрыкам Які, змогуць гэта зрабіць у адмысловай установе, якая атрымала назву «Jaki Cafe» і якая будзе разьмяшчацца ў цэнтры польскай сталіцы.

Палітык падчас прэс-канфэрэнцыі расказаў, што менавіта тут ён будзе сустракацца з выбаршчыкамі падчас сваіх дзяжурстваў. Паводле Які, гэта будзе інфармацыйны пункт, дзе можна будзе даведацца аб плянах на будаўніцтва трэцяй і чацьвёртай ліній мэтро ў сталіцы. Кандыдат лічыць, што менавіта гэта зьяўляецца галоўным выклікам, які ён ставіць перад сабой у якасьці мэра Варшавы.

Кандыдат ад правых сіл адзначыў, што «Jaki Cafe» – гэта свайго роду дыскусійная пляцоўка, дзе кожны можа прадставіць сваё бачаньне па разьвіцьці камунікацыйнай інфраструктуры сталіцы.

вс