Суд Эўразьвязу: на працы можна забараніць адзяваць бачныя рэлігійныя сымбалі

Працадаўца мае права забараніць супрацоўнікам адзяваць бачныя рэлігійныя сымбалі на працоўным месцы, такое рашэньне вынес Суд Эўрапейскага Зьвязу. Судзьдзі вынесьлі вэрдыкт па справе двух жанчын-мусульманак – бэльгійкі й францужанкі, – якія былі звольненыя пасьля таго, як адмовіліся зьняць хіджаб, знаходзячыся на працоўным месцы.

«Унутранае правіла аб забароне нашэньня палітычных, філязофскіх або рэлігійных сымбаляў не азначае непасрэднай дыскрымінацыі», – так судзьдзі абгрунтавалі сваю пастанову.

Камэнтатары адзначаюць, што рашэньне Суду Эўрапейскага Зьвязу было прынятае напярэдадні выбараў у Нідэрляндах, дзе праблемы мусульманскіх мігрантаў займаюць адно зь першых месцаў. Адзначым, што ў Францыі забараняецца зьяўляцца ў грамадзкіх месцах з закрытым тварам.

вс