Польская армія ўзбройваецца ў мясцовых вытворцаў

Міністар нацыянальнай абароны Польшчы Антоні Мацярэвіч (Antoni Macierewicz) паведаміў аб падпісаньні трох важных пагадненьняў аб пастаўках тэхнікі для польскай арміі.

Адно зь іх датычыць пастаўкі першай партыі вырабленых у Польшчы бесьпілётных лятальных апаратаў, здольных перавозіць груз. Другое - вытворчасьці ракетаў, якімі гэтыя дроны могуць быць узброеныя. А ў трэцім пагадненьні гаворка ідзе пра пастаўку оптыка-электроннага абсталяваньня для Войскаў тэрытарыяльнай абароны Польшчы. Перад усім гэта прыцэлы й прыборы начнога бачаньня.

Кіраўнік Мінабароны падкрэсьліў, што дзякуючы пагадненьням з польскімі вытворцамі краіна ўзмацняе сваю абароназдольнасьць і здольнасьць супрацьстаяць магчымай агрэсіі з боку Расеі.

аз