Мінабароны Польшчы арганізуе бясплатныя курсы самаабароны для жанчын

Міністэрства нацыянальнай абароны Польшчы ў бліжэйшы час пачне праводзіць бясплатныя курсы самаабароны для жанчын. Заняткі будуць весьці вайсковыя інструктары. Курсы плянуецца арганізаваць у 30 польскіх гарадах.

Прэс-служба Мінабароны паведаміла, што заняткі адбудуцца з 19-га лістапада 2016 года па 3 чэрвеня 2017-га. Агулам пройдзе 8 сэсій, кожная зь якіх будзе доўжыцца некалькі гадзін. Ініцыятарам курсаў выступіў міністар абароны Польшчы Антоні Мацярэвіч.

Мэта заняткаў – навучыць жанчын рэагаваць на насільле і ў сытуацыі непасрэднай пагрозы іх жыцьцю альбо здароўю.

На курсы можа запісацца кожная жанчына, якой споўнілася 18 гадоў і якая зьяўляецца грамадзянкай Польшчы, у якой добры стан здароўя й адпаведная фізычная форма.

вс

здымак мае ілюстрацыйны характар