У польскім Плоцку адкрылі першую дабрачынную краму

У Плоцку, як паведамляе Эвэліна Стэфаньска, карэспандэнт Gazety Wyborczej, адкрылася першая дабрачынная крама. Сюды можна аддаць непатрэбныя вам рэчы, а грошы ад продажу пойдуць на дапамогу людзям, якія апынуліся ў цяжкай жыцьцёвай сытуацыі.

Такога тыпу крам у Польшчы ўжо каля 20. Але толькі плоцкая будзе трымацца выключна на працы валянтэраў.

Многія жыхары гораду дапамагалі мэбляваць краму. Прычым рабілі гэта або дарма, або за невялікую плату.

Купіць тут можна адзеньне, абутак, кнігі, цацкі, рукадзельле.

Gazeta Wyborcza/вк