Чаму ў Менск ня лётаюць лаўкосты

На днях дырэктар Нацыянальнага аэрапорту «Менск» Дзьмітрый Мелікян паведаміў у адной з тэлепраграм, што лаўкостаў няма ў сталічным аэрапорце, паколькі яны не адпавядаюць высокім стандартам прадпрыемства.

Заява начальніка галоўных паветраных варотаў краіны прагучала крыху як жарт, тым больш, калі ўзяць пад увагу тое, што лаўкосты апэруюць з аэрапортаў Эўропы, дзе стандарты не ніжэйшыя чым у Менску. У якасьці прыкладу варта прывесьці хоць бы гарады суседніх краін: Варшаву, Вільню, Коўна й Рыгу.

Мы патэлефанавалі эканамісту й сацыёлягу Міхасю Залеўскаму. Паводле яго словаў, праблемай беларускай мадэлі эканомікі зьяўляецца адсутнасьць канкурэнцыі, манаполія дзяржавы й савецкія мэтады кіраваньня. «Стандарты ва ўсім сьвеце задае спажывец», – зазначае наш суразмоўца.

Паводле яго, «спачатку трэба зірнуць на аб’ём перавозак лаўкостаў, аб’ём перавозак «Белавіі», а пазьней распавядаць пра стандарты». З адмыслоўцам размаўляе Валеры Саўко.

размова ў далучаным гукавым фале