Польскія навукоўцы выявілі ген, адказны за рак малочнай залозы

RECQL — гэта новы ген, ідэнтыфікаваны польскімі і канадзкімі дасьледнікамі. Яго мутацыя значна павышае рызыку разьвіцьця рака малочнай залозы ў жанчын. Адкрыцьцё было зробленае прафэсарамі Янам Любіньскім і Цэзары Цыбульскім са Шчэціна пры супрацы з групай генэтыкаў з Таронта і Манрэаля.

Па словах дасьледнікаў, у Польшчы больш за 15 тысяч жанчын-носьбітаў гену RECQL. Рызыка разьвіцьця рака малочнай залозы сярод іх у пяць разоў вышэй, чым у астатніх, і перавышае 50 працэнтаў, калі сярод сваякоў раней былі выяўленыя выпадкі хваробы.

- Калі ген пашкоджаны, ён праходзіць мутацыю. У выніку ўзьнікаюць пухлінавыя клеткі, - тлумачыць важнасьць адкрыцьця прафэсар Цыбульскі.

У досьледаx удзельнічала больш за 30 000 здаровыx і хворыx жанчын з Польшчы і Канады.

Вынікі досьледаў польскіx і канадзкія дасьледнікаў былі апублікаваныя ў прэстыжным часопісе "Nature Genetics".

Між тым тэставаньне на наяўнасьць раней выяўленай мутацыі гену BRCA1 можа зрабіць любая жанчына. Для тых, у чыёй сямейнай гісторыі былі выпадкі рака малочнай залозы або яечнікаў, тэст бясплатны, а для астатніх каштуе прыблізна 260 злотых.

Xоць ракавыя сёньня пухліны ўсё больш эфэктыўна лечаць, лепш наогул прадухіляць іх зьяўленьне. Жанчыны часта пагаджаюцца на выдаленьне органу, у якім можа разьвіцца рак. Так, для прыкладу, зрабіла Анджэліна Джолі, якая прайшла двайную мастэктомію з-за выяўленай небясьпечнай мутацыі гену BRCA1, адказнага за рак грудзей і яечнікаў. Ген перадаецца спадчынна — ад раку яечнікаў памерла маці акторкі.

Што можна зрабіць, каб абараніць сябе ад раку? Кожная жанчына можа выканаць тэст на наяўнасьць генаў BRCA1. Тэст хуткі і танны.

Як кажа прафэсар Цэзары Цыбульскі, яшчэ сёлета пацыенткі змогуць прайсьці дыягнастычныя тэсты, каб праверыць, ці зьяўляюцца яны носьбітамі мутантнага гену RECQL. Жанчына, якая даведаецца, што ў яе ёсьць схільнасьць да генетычныx зьмяненьняў, будзе ведаць аб павышанай рызыцы захворваньня. Ёй будзе рэкамэндавана праходзіць больш частыя агляды і мамаграфію, пачынаючы з 35 гадоў.

эб