У ЗША прадставілі робата-пажарнага

Інжынеры Тэхналягічнага ўнівэрсытэту Вірджыніі распрацавалі антрапаморфнага робата (андроіда), якога можна выкарыстоўваць для ліквідацыі узгараньняў. Робат SAFFiR абсталяваны дэтэктарамі агню і дыму, можа адчыняць дзьверы і выкарыстоўваць пажарны шланг.

Акрамя дэтэктара дыму ён абсталяваны інфрачырвонымі стэрэадатчыкамі і лязэрным далямерам, які таксама вызначае крыніцы сьвятла. Дзякуючы гэтаму машына можа перасоўвацца нават у задымленых памяшканьнях.

Робат сягае 177 сантымэтраў у вышыню і важыць 65 кіляграмаў.

SAFFiR распрацаваны найперш з думкаю аб гашэньні пажараў на караблях.

Тэрміны завяршэньня распрацоўкі андроіда не ўдакладняюцца.

эб