Каханьне ня ведае... росту (ФОТА)

foto: quotes-and-fun.blogspot.com

Самая высокая дзяўчына ў сьвеце, бразыльская мадэль Элісані да Круз Сільва, прыняла прапанову рукі й сэрца каханага Франкінальда, які на дзьве галавы ніжэйшы за яе. Рост Элісані - 2,06 м, а яе жаніха - 1,62 м , паведамляе The Mirror.
Закаханыя жывуць у бразыльскім горадзе Салінаполіс. Паводле словаў жаніха, ён заўсёды хацеў сустракацца з высокімі дзяўчатамі, і Элісані ідэальна падыходзіць яму. Франкінальда было ня так проста дамагчыся рукі каханай, якая спадабалася яму зь першага погляду. Паводле ўспамінаў Элісані, пры іх першай сустрэчы гэты "дробны хлопец" выклікаў у яе толькі раздражненьне, але пазьней іх адносіны кардынальна зьмяніліся. Элісані й Франкінальда ня хочуць сьпяшацца зь вясельлем, нягледзячы на тое, што нявеста ўжо падрыхтавала вясельную сукенку. Элісані хоча перад шлюбам у царкве зладзіць "разьвітальны" дзявочнік.

вс