Перадазіроўка вітамінаў можа быць шкоднай

На стомленасьць, на імунітэт, на прыгожыя валасы й фігуру. Біялягічна актыўныя дабаўкі рэклямуюцца як выдатныя спэцыялы на любыя праблемы са здароўем. Тым ня менш, экспэрты тлумачаць - дадаткі не зьяўляюцца лекамі, толькі прадуктамі, якія дапаўняюць дыету.

Дырэктар Нацыянальнага інстытута лекаў прафэсар Зьбігнеў Фіялэк падкрэсьлівае, што перадазіроўка розных вітамінаў і мікраэлемэнтаў можа быць шкоднай. Клінічныя дасьледаваньні паказваюць , што ў некаторых выпадках дабаўкі могуць выклікаць рак.

Экспэрты адзначаюць, што харчовыя дабаўкі часта рэклямуюцца па тэлебачаньні як прадукты, якія зьяўляюцца гарантыяй добрага здароўя, а гэта ня так.

Штогод палякі выдаюць на розныя харчовыя дабаўкі, вітаміны і мінэралы 1 млд даляраў.

яс