Кітайцы жывуць у крамах Ікеа

Яны ладзіць пікнікі ў рэстаране і сьпяць на ложках з тоўстымі матрацамі.

У выходныя дні ў краме Ikea ў гандлёвым цэнтры ў Пэкіне на ложках адпачываюць і старыя, і маладыя, часта нават цэлымі сем'ямі. Зьняўшы абутак, закутаўшыся ў коўдру ў цёплых колерах, з адной або некалькімі падушкамі пад галавой яны сьпяць нават па некалькі гадзін. Час ад часу прыходзіць хтосьці з пэрсаналу і ветліва просіць вызваліць ложак для наступнага кліента, каб ён таксама мог апрабаваць матрац.

Увечары аддзел спальнай мэблі нагадвае вялікую спальню, з гарою памятых коўдраў, пледаў і падушак. Тое ж самае адбываецца ў гандлёвым цэнтры Ikea ў Шанхаі, прэс -сакратар якога паскардзіўся польскаму журналісту, што бялізну даводзіцца мяняць кожны дзень.

Некаторыя кітайцы сталі сапраўднымі жыхарамі крам Ікеа. Яны прыходзяць на адкрыцьцё і выходзяць апошнімі. У 40-градусную сьпякоту, так як сёлета, людзі шукалі ў крамах ахаладжэньня.

Тое, што маса народу сьпіць на адным ложку, тут зусім нікому не перашкаджае. Гэтак жа, як сямейныя пікнікі, якія кітайцы ладзяць у сталоўцы Ikea і выкарыстоўваць пры гэтым посуд з выставаў.

Кліенты цэняць ветлівасьць пэрсаналу, які надзвычай цярпліва ставіцца нават да бацькоў, якія пускаюць на канапы маленькіх дзяцей безь пялюшак.

Крамам Ikea гэта, відаць, аплочваецца, робіць выснову газэта, бо сёньняшні госьць – гэта заўтрашні кліент.

эб