Жанчыны-курцы паміраюць на 10 гадоў раней

Жанчыны, якія ўсё жыцьцё кураць, паміраюць на дзесяць гадоў раней, чым іх сяброўкі, якія жывуць без нікатыну. Але калі кінуць курыць да 30-і гадоў, то гэта дазваляе амаль цалкам пазбегнуць нэгатыўных наступстваў для здароўя, – сьцьвердзілі навукоўцы з Оксфардзкага ўнівэрсытэту.

Дасьледваньні паказваюць, што наступствы курэньня яшчэ больш небясьпечныя для здароўя, чым думалі раней. Нават калі нехта выкурвае адну цыгарэту ў дзень, то ў яго ўдвая павышаецца верагоднасьць заўчаснай сьмерці.

Жанчыны, якім удалося кінуць курыць ва ўзросьце да 30-і гадоў, жылі ў сярэднім на адзін месяц карацей. Жанчыны, якія курылі да 40 гадоў, паміралі на год раней, чым іх сяброўкі, якія жылі без нікатыну. Іх сытуцыя была ў дзесяць разоў лепшай, чым жанчын, якія курылі ажно да сьмерці.

Дасьледнікі прыйшлі да высновы, што больш важкім фактарам для здароўя была не колькасць выкураных цыгарэт, а тое, як доўга чалавек курыў.

эб/"Sueddeutsche Zeitung"