Гватэмала: храм начнога сонца

У Гватэмале працягваюцца археалягічныя работы на месцы адкрытай надоечы сьвятыні племемі мая.

Згаданае месца разьмешчана ў 500 (пяцістах) кілямэтрах ад сталіцы краіны ды сьведчыць аб пашырэньні культу Сонца ў былой прэкалюмбійскай цывілізацыі.

Група археолягаў з Гватэмалы й ЗША паведаміла, што іканаграфія сьвятыні прысьвячаецца Сонцу, якое карысталася асаблівай пашанай у рэлігіі мая.

Мая — стваральнікі адной з самых старажытных цывілізацый Амэрыкі (цывілізацыя мая), якая існавала на тэрыторыі паўднёва-ўсходняй Мэксікі, Гандураса й Гватэмалы.

Як кажа гватэмальскі гісторык прафэсар Віктар Уга Маюс, тагачасныя індзейскія народы маглі пахваліцца надзвычайнымі ведамі на тэму астралёгіі й зорак. Яны ўмелі вызначыць даты сонечнага зацьменьня ды стварылі вядомы Каляндар мая.

А паколькі іх харчаваньне складавалася ў вялікай ступені з кукурузы, то яны ўмелі вызначыць найлепшы час на сяўбу й жніво.

Адкрыты надоечы Храм начнога сонца - гэта фундамэнт піраміды Д’ябла - найвышэйшай на тэрыторыі архэалягічных раскопкаў у раёне гораду Эль-Зотз. Нязвычайная будоўля мае 13 мэтраў вышыні ды некалькі паверхаў. Дзякуючы гэткай структуры ўдалося захаваць памяшканьні храма ад вельмі некарыснага клімату трапічнага лесу.

Археолягі з Гватэмалы й ЗША ўжо 18 гадоў дасьледуюць рэгіён Эль-Зотз. У ягонай ваколіцы знаходзіцца вядомы й адкрыты для турыстаў горад мая Тыкаль.

аз