Першыя прызнакі Альцгеймэра

Навукоўцы стварылі сьпіс самых раньніх ды амаль нябачных прызнакаў хваробы Альцгеймэра. Гэтая „дарожная карта” дазволіць лячыць пацыентаў на пачатковым этапе хваробы.

Хвароба Альцгеймэра – найбольш распаўсюджаная форма дэмэнцыі, невылечнае дэгенэратыўнае захворваньне. Паводле лекараў, пасьпяховасьць розных спосабаў лячэньня, якія прымяняюцца ў ейным выпадку, залежыць ад часу ейнага дыягназаваньня.

Клясычныя прызнакі – разгубленасьць і расстройства памяці – паяўляюцца на вельмі позьнім этапе разьвіцьця хваробы. Цяпер навукоўцы з Вашынгтонскага мэдычнага ўнівэрсытэта апрацaвалі сьпіс нябачных прызнакаў, якія можна выкрыць пры дапамозе адмысловай тэхналёгіі нават за 25 гадоў да захворваньня.

Адзін са спосабаў – гэта назіраньне за зьменай хімічнага складу сьпіннамазгавой вадкасьці. Напрыклад, 15 гадоў да захворваньня ў згаданай вадкасьці павышаецца ўзровень некаторых бялкoў. Тады, дарэчы, пачынае паміраць мозг хворага.

Выкрыць згаданыя прызнакі дапамаглі генэтычныя дасьледаваньні 128 пацыентаў зь Вялікабрытаніі, ЗША й Аўстраліі. Вынікі згаданых экспэрымэнтаў публікуе газэта „New England Journal of Medicine”.

Экспэрты падкрэсьліваюць, што хвароба Альцгеймэра – гэта захворваньне старэйшых людзей. Таму па меры старэньня грамадзтва яна будзе станавіцца ўсё большай праблемай у сьвеце.

аз