Памёр польскі гісторык, які адкрыў праўду пра Беларусь

Ягоныя гістарычная працы ўвайшлі ў канон беларуска гістарыяграфіі ды раскрылі праўду пра адну з мала вядомых старонак беларускай гісторыі – часы нямецкай акупацыі.

Юры Туронак нарадзіўся 26 красавіка 1929 г. у Дукштах Сьвецянскага павета Віленскага ваяводзтва (сёньня – Летува) у сям’і лекара ды беларускага палітычнага дзеяча Браніслава Туронка.

Гістарычнымі дасьледаваньнямі пачаў займацца з 1960-ых гадоў. Тэмамі ягоных прац сталі беларускі нацыянальны рух пачатку ХХ-га стагодзьдзя, беларуска-польскія адносіны ды гісторыя Рыма-Каталіцкага Касьцёла. У 1986-м годзе абараніў доктарскую дысэртацыю па тэме «Беларусь пад нямецкай акупацыяй».

Выхад гэтай кнігі ў Беларусі ў першай палове 1990-х стаў сапраўдным адкрыцьцём ды прарывам у вывучэньні гісторыі ІІ Усясьветнай вайны на тэрыторыі Беларусі. Дарэчы, у 2008 годзе частка накладу аднаго з чарговых выданьняў гэтай публікацыі была канфіскаваная КДБ.

Пра Юрыя Туронка, чалавека ды гісторыка, мы размаўлялі з выкладнікам Варшаўскага ўнівэрсытэту, гісторыкам Юрыем Грыбоўскім.

Слухайце размову ў гукавым файле

Размаўляў Юры Ліхтаровіч