Беларускі мастак Л. Тарасэвіч атрымаў прэстыжную ўзнагароду

Беларускі мастак, які жыве ў Польшчы, атрымаў важную ўзнагароду за грамадзкую дзейнасць. Фундацыя Кронэнбэрга ўзнагародзіла Лявона Тарасэвіча. Ён ня толькі мастак, таксама старшыня Фундацыі Villa Sokrates, грамадзскі дзеяч беларускай меншасьці ў Польшчы.

Прэмія імя Аляксандра Гейштара прысуджаная яму за шматгадовую дзейнасць, накіраваную на міжкультурны дыялог на польска-беларуска-літоўскім памежжы, а таксама арганізацыю і правядзеньне ў Крынках на Беласточчыне "Трыялёгу".

Урачыстасьць уручэньня прэміі праходзіла ў Каралеўскім замку ў Варшаве, аднак сам Лявон Тарасэвіч ня мог прысутнічаць на ёй. Ліст ляўрэата прачытала сакратар Фундацыі Villa Sokrates Анна Грэсь.

слухайце далучаны гукавы файл

Прэмія імя Аляксандра Гейштара ўручаецца з 1999 года. Сярод ляўрэатаў папярэдніх гадоў былі рэжысёр Анджэй Вайда ды гісторык Норман Дэйвіс.

Зьміцер Косьцін