З насычаным візытам прымаюць у Польшчы прадстаўнікоў брытанскай каралеўскай сям’і. З Варшавы ў панядзелак пачалося турнэ герцага і герцагіні Кэмбрыджскіх Уільяма і Кейт зь дзецьмі – прынцам Джорджам ды прынцэсай Шарлотай, для якіх гэта першая падобная паездка ў кантынэнтальную Эўропу.
Візыт важных гасьцей пачаўся з наведваньня Прэзыдэнцкага палацу. Там адбылося спатканьне з кіраўніком польскай дзяржавы Анджэем Дудам і ягонай жонкай Агатай. Пасьля было знаёмства з Кракаўскім прадмесьцем у сталіцы. Падчас шпацыру герцаг і герцагіня Кэмбрыджскія паразмаўлялі з варшавянамі, якія адмыслова прыйшлі ў брытанскіх строях, а таксама атрымалі ад іх падарункі.
Жыхары Варшавы: Сьлёзы наварочваюцца. Гэта было чароўна. Першым да нас падышоў прынц Уільям. Ён прыняў наш прэзэнт і нават крыху з намі паразмаўляў. Паціснуць руку Ўільяму і Кейт – гэта проста цудоўны вопыт. Я дагэтуль не магу прыйсьці ў сябе. Прынц быў вельмі зьдзіўлены прэзэнтам, ён зьвярнуў увагу на нашыя капелюшы, на тое, як мы выглядаем. Сказаў, што цешыцца, бо няма дажджу. Мы вельмі ўзрушаныя.
Пасьля шпацыру па Варшаве Кейт і Уільям у суправаджэньні прэзыдэнцкай пары накіраваліся ў музэй Варшаўскага паўстаньня, дзе сустрэліся з польскімі й брытанскімі вэтэранамі Другой сусьветнай вайны. Кажа адзін з удзельнікаў спатканьня, маёр Мар’ян Славінскі, які на пачатку 40-х гадоў мінулага стагодзьдзя служыў у Злучаным Каралеўстве.
Мар’ян Славінскі: Я сказаў ім, што калі знаходжуся побач зь імі ды бачу іх, адчуваю сябе на 77-м гадоў маладзейшым. У гэтыя хвіліны я знаходжуся ў Англіі ці ў Шатляндыі. Трэба заўважыць, што бэрэт, які ў мяне зараз на галаве, мае ўжо 77-м гадоў. Я атрымаў яго ў 1940-м годзе ў Эдынбургу, а арла мне ўручылі ў тым самым годзе, толькі некалькімі тыднямі пазьней у горадзе Дандзі.
Ад мінулага – да сучаснасьці. У панядзелак членаў брытанскай манаршай сям’і сустракалі таксама ў варшаўскім хмарачосе Spire – там Кейт ды Уільям спаткаліся з маладымі прадпрымальнікамі, удзельнікамі польска-брытанскага праекту «Мост Варшава-Лёндан». Сутнасьць ідэі – у падтрымцы пэрспэктыўных стартапаў зь дзьвюх краінаў. Фіналам першага дню візыту стала вячэра ў гонар Каралевы Вялікабрытаніі, падчас якой прынц Уільям выступіў з прамовай.
У дваццатым стагодзьдзі Польшча прадэманстравала вялікую адвагу, змагаючыся з брутальнай фашысцкай акупацыяй, не кажучы нават пра паўстаньне ў гета ды Варшаўскае паўстаньне. А ў 1989 годзе ў выніку вялікага нацыянальнага адраджэньня, ля вытокаў якога стаяла Салідарнасьць, палякі скінулі кайданкі аўтарытарызму, пасьля чаго ізноў сталі адным з важнейшых народаў Эўропы.
Зьвяртаючыся да прысутных, прынц Уільям выказаў словы падзякі Польшчы ды палякам за гасьціннасьць, а таксама зачытаў ліст ад сваёй бабулі – каралевы Вялікабрытаніі Лізаветы Другой.
Прынц Філіп і я перадаём нашыя найцяплейшыя прывітаньні для ўдзельнікаў гэтага спэцыяльнага прыёму, прысьвечанага першаму афіцыйнаму візыту герцага ды герцагіні Кэмбрыджскіх у Польшчу. Зь вялікай радасьцю ўзгадваем наш візыт у вашую краіну ў 1996-м годзе, калі мы ў Варшаве і Кракаве на сабе адчулі вядомую ў цэлым сьвеце гасьціннасьць. Я вельмі цешуся, што герцаг ды герцагіня Кэмбрыджскія змогуць перажыць тое ж самае ў Варшаве й Гданьску.
На другі – перадапошні – дзень візыту ў Польшчу сусьветна вядомая пара адправілася на поўнач краіны. Першы пункт праграмы на аўторак – наведваньне былога нямецкага канцэнтрацыйнага лягеру Штутгоф, што знаходзіцца ў 50-ці кілямэтрах ад Гданьска. Зараз там дзейнічае вялікі музэйны комплекс. У гады Другой сусьветнай вайны праз гэтае месца прайшлі каля 110-ці тысячаў вязьняў, зь якіх 65-ць тысячаў загінулі. Тут Кейт і Ўільям ушанавалі памяць ахвяраў нацызму.
Працяг візыту – ужо ў Гданьску. Прадстаўнікоў брытанскай каралеўскай сям’і спаткае Шэксьпіраўскі тэатр, што паўстаў у сталіцы Паморскага ваяводзтва 9-ць год таму. Напрыканцы паездкі на поўнач Польшчы – наведваньне Эўрапейскага цэнтру салідарнасьці і знаёмства з гісторыяй антыкамуністычнай дзейнасьці ў Польшчы. Яшчэ адзін пункт – ускладаньне вянкоў да манумэнту загінулым працаўнікам гданьскай суднавэрфі. На сераду ў Варшаве заплянаванае яшчэ адно спатканьне з польскай прэзыдэнцкай парай. Пасьля гэтага госьці адправяцца ў Бэрлін.
З насычаным візытам прымаюць у Польшчы прадстаўнікоў брытанскай каралеўскай сям’і. З Варшавы ў панядзелак пачалося турнэ герцага і герцагіні Кэмбрыджскіх Уільяма і Кейт зь дзецьмі – прынцам Джорджам ды прынцэсай Шарлотай, для якіх гэта першая падобная паездка ў кантынэнтальную Эўропу.
Візыт важных гасьцей пачаўся з наведваньня Прэзыдэнцкага палацу. Там адбылося спатканьне з кіраўніком польскай дзяржавы Анджэем Дудам і ягонай жонкай Агатай. Пасьля было знаёмства з Кракаўскім прадмесьцем у сталіцы. Падчас шпацыру герцаг і герцагіня Кэмбрыджскія паразмаўлялі з варшавянамі, якія адмыслова прыйшлі ў брытанскіх строях, а таксама атрымалі ад іх падарункі.
Жыхары Варшавы: Сьлёзы наварочваюцца. Гэта было чароўна. Першым да нас падышоў прынц Уільям. Ён прыняў наш прэзэнт і нават крыху з намі паразмаўляў. Паціснуць руку Ўільяму і Кейт – гэта проста цудоўны вопыт. Я дагэтуль не магу прыйсьці ў сябе. Прынц быў вельмі зьдзіўлены прэзэнтам, ён зьвярнуў увагу на нашыя капелюшы, на тое, як мы выглядаем. Сказаў, што цешыцца, бо няма дажджу. Мы вельмі ўзрушаныя.
Пасьля шпацыру па Варшаве Кейт і Уільям у суправаджэньні прэзыдэнцкай пары накіраваліся ў музэй Варшаўскага паўстаньня, дзе сустрэліся з польскімі й брытанскімі вэтэранамі Другой сусьветнай вайны. Кажа адзін з удзельнікаў спатканьня, маёр Мар’ян Славінскі, які на пачатку 40-х гадоў мінулага стагодзьдзя служыў у Злучаным Каралеўстве.
Мар’ян Славінскі: Я сказаў ім, што калі знаходжуся побач зь імі ды бачу іх, адчуваю сябе на 77-м гадоў маладзейшым. У гэтыя хвіліны я знаходжуся ў Англіі ці ў Шатляндыі. Трэба заўважыць, што бэрэт, які ў мяне зараз на галаве, мае ўжо 77-м гадоў. Я атрымаў яго ў 1940-м годзе ў Эдынбургу, а арла мне ўручылі ў тым самым годзе, толькі некалькімі тыднямі пазьней у горадзе Дандзі.
Ад мінулага – да сучаснасьці. У панядзелак членаў брытанскай манаршай сям’і сустракалі таксама ў варшаўскім хмарачосе Spire – там Кейт ды Уільям спаткаліся з маладымі прадпрымальнікамі, удзельнікамі польска-брытанскага праекту «Мост Варшава-Лёндан». Сутнасьць ідэі – у падтрымцы пэрспэктыўных стартапаў зь дзьвюх краінаў. Фіналам першага дню візыту стала вячэра ў гонар Каралевы Вялікабрытаніі, падчас якой прынц Уільям выступіў з прамовай.
Прынц Уільям: У дваццатым стагодзьдзі Польшча прадэманстравала вялікую адвагу, змагаючыся з брутальнай фашысцкай акупацыяй, не кажучы нават пра паўстаньне ў гета ды Варшаўскае паўстаньне. А ў 1989 годзе ў выніку вялікага нацыянальнага адраджэньня, ля вытокаў якога стаяла Салідарнасьць, палякі скінулі кайданкі аўтарытарызму, пасьля чаго ізноў сталі адным з важнейшых народаў Эўропы.
Зьвяртаючыся да прысутных, прынц Уільям выказаў словы падзякі Польшчы ды палякам за гасьціннасьць, а таксама зачытаў ліст ад сваёй бабулі – каралевы Вялікабрытаніі Лізаветы II.
Прынц Уільям: Прынц Філіп і я перадаём нашыя найцяплейшыя прывітаньні для ўдзельнікаў гэтага спэцыяльнага прыёму, прысьвечанага першаму афіцыйнаму візыту герцага ды герцагіні Кэмбрыджскіх у Польшчу. Зь вялікай радасьцю ўзгадваем наш візыт у вашую краіну ў 1996-м годзе, калі мы ў Варшаве і Кракаве на сабе адчулі вядомую ў цэлым сьвеце гасьціннасьць. Я вельмі цешуся, што герцаг ды герцагіня Кэмбрыджскія змогуць перажыць тое ж самае ў Варшаве й Гданьску.
На другі – перадапошні – дзень візыту ў Польшчу сусьветна вядомая пара адправілася на поўнач краіны. Першы пункт праграмы на аўторак – наведваньне былога нямецкага канцэнтрацыйнага лягеру Штутгоф, што знаходзіцца ў 50-ці кілямэтрах ад Гданьска. Зараз там дзейнічае вялікі музэйны комплекс. У гады Другой сусьветнай вайны праз гэтае месца прайшлі каля 110-ці тысячаў вязьняў, зь якіх 65-ць тысячаў загінулі. Тут Кейт і Ўільям ушанавалі памяць ахвяраў нацызму.
Працяг візыту – ужо ў Гданьску. Прадстаўнікоў брытанскай каралеўскай сям’і спаткае Шэксьпіраўскі тэатр, што паўстаў у сталіцы Паморскага ваяводзтва 9-ць год таму. Напрыканцы паездкі на поўнач Польшчы – наведваньне Эўрапейскага цэнтру салідарнасьці і знаёмства з гісторыяй антыкамуністычнай дзейнасьці ў Польшчы. Яшчэ адзін пункт – ускладаньне вянкоў да манумэнту загінулым працаўнікам гданьскай суднавэрфі. На сераду ў Варшаве заплянаванае яшчэ адно спатканьне з польскай прэзыдэнцкай парай. Пасьля гэтага госьці адправяцца ў Бэрлін.
Васіль Садоўскі
слухайце далучаны гукавы файл