Беларускія сымбалі - не злачынства

Беларускія грамадзкія актывісты заклікаюць людзей далучыцца да фотаконкурсу. Мэта ініцыятывы - праявіць салідарнасьць у выкарыстаньні нацыянальных сымбаляў.

Ініцыятыва скіравана на дэманстрацыю нязгоды з нядаўнім рашэньнем гарадзенскага суда, які хацеў асудзіць моладзь за здымкі з бел-чырвона-белым сьцягам у сацыяльнай сетцы «Фэйсбук». Суд палічыў гэта «пікетам у інтэрнэце».

У зьвязку з гэтым Моладзь БНФ разам з «Арт Сядзібай» заклікалі беларусаў масава далучыцца да «інтэрнэт пікетаваньня», то бок пачаць ставіць здымкі ў сеціва з выявамі нацыянальных сымбаляў.

Інакш кажучы сфатаграфавацца з бел-чырвона-белым сьцягам на вуліцы. Выкласьці ў сацыяльныя сеткі з хэштэгам конкурсу #інтэрнэтпікет. Як кожны конкурс, тут прадугледжаны прызы – бел-чырвона-белыя сьцягі з «Пагоняй», рамяні і цішоткі з нацыянальнымі сымбалямі ад крамы Symbal.by.

Мы папрасілі больш распавесьці пра ініцыятыву інтэрнэт-пікетаваньня Паўла Белавуса з «Арт-Сядзібы».

слухайце размову ў гукавым файле

Размаўляў Юры Ліхтаровіч