12% гледачоў па ўсёй краіне не маглі пабачыць прамову прэм'ера

Праблемы з сыгналам наземнага лічбавага тэлебачаньня, за які адказвае амэрыканскі апэратар EmiTel, пазбавілі частку палякаў глядзець дзяржаўнае тэлебачаньне TVP у вельмі напружаны момант: падчас звароту да народу прэм’ер–міністра Бэаты Шыдла, датычнага канфлікту з апазыцыя ў Сэйме. У той момант 12% гледачоў па ўсёй краіне не маглі ўбачыць выступленьня.

Старшыня праўленьня TVP Яцэк Курскі паведаміў аб збоях у Агенцтва ўнутранай бясьпекі. Кіраўнік фірмы EmiTel у размове з DGP пацьвердзіў, што характар аварыі быў вельмі нетыповы. «Аварыя датычыла толькі адной перадаючай плятформы, зь якой трансьлююца толькі праграмы дзяржаўнага тэлебачаньня. Чаму тэхніка на адной плятформе зламалася, а на іншай працавала нармальна? Мы гэта высьвятляем. Цяпер у нас няма падставаў ані выключыць, ні пацьвердзіць факту, што гэта была атака хакераў», – сказаў старшыня праўленьня EmiTel Пжэмыслаў Курчэўскі выданьню DGP.

Пасьля аварыі некаторыя дэпутаты кіроўнай партыі «Права й справядлівасьць» запатрабавалі правядзеньня нацыяналізацыі вядучага тэле- і радыёапэратара ў Польшчы.

Dziennik Gazeta Prawna/яс