Эўропа з боязьзю глядзіць на Амэрыку

Магчымая перамога кандыдата рэспубліканцаў Дональда Трампа не азначала б для Эўразьвязу й NATO раптоўнай трагедыі. Тым ня менш, яна паступова аслабіла б фундамэнты сучаснай Эўропы, паведамляе выданьне „Gazeta Wyborcza”.

Паводле Томаса Райта (Thomas Wright) з аналітычнага Брукінгскага інстытуту (Brookings Institution), Трамп на пасадзе прэзыдэнта давёў бы да зьмены палітыкі ЗША па трох важных для Эўропы справах. Ён прычыніўся б да аслабленьня амэрыканскіх гарантыяў бясьпекі й асноваў свабоднага міжнароднага гандлю, а таксама быў бы схільным заключаць паразуменьні з моцнымі сусьветнымі лідарамі, як Уладзімір Пуцін, за кошт старых саюзьнікаў.

Несумненна, як Клінтан, так і Трамп будуць настойваць на тым, каб эўрапейскія члены Паўночнаатлянтычнага альянсу ўзялі на сябе больш цяжар, у асноўным фінансавы, з мэтай загарантаваньня бясьпекі Старому кантынэнту.

Аднак, калі Клінтан, падобным чынам, як Абама ці Буш ніколі не вырашыліся б шантажаваць Эўропы, то бок „плаціце больш, а не то мы не дадзім вам сваіх гарантыяў бясьпекі”, то Дональд Трам ужо пагражаў гэтым падчас выбарчай кампаніі.

І хоць перамога Трампа не азначала б раптоўнай катастрофы, то яна была б сыгналам для Масквы, што бясьпечная, аб’яднаная эканамічнымі сувязямі Эўропа й падтрымка лібэральнага Захаду перастаюць быць нацыянальнымі інтарэсамі Злучаных Штатаў Амэрыкі, чытаем у выданьні „Gazeta Wyborcza”.

аз