Масква размаўляе з Анкарой пра Сырыю

Расейскія турысты паляцяць на турэцкія курорты, а тавары з Турэччыны пойдуць у Расею. Бакі нават пачалі перамовы па пытаньні, якое іх падзяліла – канфлікт у Сырыі.

На мінулым тыдні адбылася сустрэча расейскай ды турэцкага прэзыдэнтаў. Уладзімір Пуцін ды Рэджэп Эрдаган дамовіліся пра аднаўленьне двухбаковага супрацоўніцтва ў сфэры энэргетыкі, турызму ды сельскай гаспадаркі. Пытаньне Сырыі таксама абмяркоўвалася. Аднак падрабязнасьці журналістам не паведамляліся. Было заяўлена, што бакі яшчэ ўзгадняюць пазыцыі.

Найбольш сказаў Уладзімір Пуцін. Ён заявіў, што Расея ды Турэччына мелі розныя погляды на ўрэгуляваньне сырыйскай праблемы. Аднак, мэта ў абедзьвюх дзяржаў падобная – спыненьне канфлікту. На гэтым грунце магчымы пошук кампрамісу, заявіў расейскі лідар.

Які гэты кампраміс можа быць? Пра гэта мы размаўляем з палітолягам Бэрлінскага ўнівэрсытэту, усходазнаўцам Сяргеем Богданам.

Поўную размову слухайце ў гукавым файле

Размаўляў Юры Ліхтаровіч