Эўропа адгароджваецца ад Беларусі?

Вугоршчына адгарадзілася плотам ад Сэрбіі, цяпер гародзіцца ад Харватыі. Прычыны імігранты. Нечакана з падобнай ініцыятывай выйшла Латвія. Рыга хоча адгарадзіцца ад сваіх усходніх суседзяў: Расеі ды Беларусі.

Пабудова плоту заплянавана ў рамках ўмацаваньня усходніх рубяжоў Эўразьвяза. Латвія атрымала 17 мільёнаў эўра ды хоча прызначыць іх на будаўніцтва плату на мяжы. Міністар унутраных спраў Латвіі заявіў, што ўжо ёсьць гатовы праект, а будаўнічыя працы могуць пачацца яшчэ сёлета. Рыга плянуе завершыць будаўніцтва цягам 4 год.

Якая прычына дадзенай ініцыятывы? Паводле афіцыйнай Рыгі агароджа будзе стрымліваць нелегальных мігрантаў, якія захочуць трапіць на тэрыторыю Латвіі. Гэта, маўляў, таней, чым высылаць іх назад, дэпартаваць у краіны адкуль яны прыйшлі. Аднак, летась латвійская памежная служба затрымала 239 нелегальных мігрантаў. Гэта значна менш, чым у выпадку Вугоршчыны. Ці будаўніцтва плата не прывядзе да пагаршэньня адносін з суседзямі, асабліва з Беларусьсю ды Расеяй. На гэтую тэму мы размаўляем з палітолягам Андрэем Фёдаравым.

Поўную размову слухайце ў гукавым файле

Размаўляў Юры Ліхтаровіч