Тэксты і кантэксты

Апошнім часам у Польшчы ідзе дыскусія пра каштоўнасьць гуманітарнай адукацыі. У часы тэхналягічнага прагрэсу маладых людзей заахвочваюць ісьці на тэхнічныя напрамкі навучаньня – маўляў, толькі яны дадуць магчымасьць годна жыць і зарабляць у будучыні. Але студэнты беларускай філялёгіі не паддаюцца. Яны ня толькі не зьбіраюцца адмаўляцца ад філялягічнай адукацыі, але нават самі ладзяць навуковыя сустрэчы, ад якіх у захапленьні нават дасьведчаныя выкладчыкі.

“Беларуская мова і літаратура: тэксты і кантэксты” – так называецца канфэрэнцыя, якая прайшла ў пятніцу ў Кафэдры беларусістыкі Варшаўскага Ўнівэрсытэту. Тэматыка сустрэчы была самая розная, пачынаючы ад беларускіх патрыятычных песьняў і заканчваючы экалягічным матывам у “Чарнобыльскай малітве” Сьвятланы Алексіевіч.

Сваімі меркаваньнямі з Натальляй Грышкевіч падзяліліся арганізатары ды ўдзельнікі мерапрыемства.

Слухайце далучаны гукавы файл