У ЗША выяўлены невядомыя беларускія дакумэнты

У ЗША пасьля Другой сусьветнай вайны знайшлі ратунак многія беларусы, якія былі вымушаны пакінуць бацькаўшчыну пасьля аднаўленьня ў Беларусі савецкай улады ў 1944 годзе. За акіянам былі створаны беларускія нацыянальныя арганізацыі, выходзілі газэты і часопісы. Спадчына амэрыканскіх беларусаў вялікая. Але яна яшчэ ня ўся сабрана, дасьледавана. А многія матэрыялы знаходзяцца ў самых нечаканых месцах ЗША.

Часопіс "Наперад" з фондаў Нью-Ёрскай публічнай бібліятэкі. Фота: Юры Грыбоўскі

Юры Грыбоўскі, дасьледчык беларускай эміграцыі, доктар гістарычных навук, прафэсар катэдры міжкультурных дасьледаваньняў Цэнтральна-Ўсходняй Эўропы Варшаўскага ўнівэрсытэта: У Мінэапалісе, у Цэнтры дасьледаваньня міграцыі пры Мінэсоцкім унівэрсытэце, захоўваюцца асабістыя архівы беларусаў Вацлава Пануцэвіча, Вітаўта Кіпеля, Мацея Смаршчка, Раісы Жук-Грышкевіч. Таксама беларускія калекцыі захоўваюцца ў Нью-Ёрку і ваколіцах, напрыклад, у Рэтгерскім унівэрсытэце. Любы жадаючы можа азнаёміцца зь беларускай калекцыяй Нью-Ёрскай публічнай бібліятэкі. Пошук беларускіх архіваў за акіянам працягваецца. І нас чакае яшчэ многа адкрыцьцяў.

Віктар Корбут

Слухайце далучаны гукавы файл

Падручнік па Законе Божым з фондаў Нью-Ёрскай публічнай бібліятэкі. Фота: Юры Грыбоўскі