Суботнік - гэта мэханізм зламаньня свабоды

У суботу па ўсёй краіне прайшоў суботнік. Практыка выкарыстоўваньня працы грамадзян працягваецца доўгія гады. Ці акрамя эканамічнай карысьці ўлады маюць іншыя прычыны праводзіць суботнікі?

П. Усаў: Суботнікі праводзяцца ўжо гадоў дзесяць. Гэта элемэнт, які ўбудоўваецца ў постсавецкую ідэалёгію, якая моцна прасоўваецца ў мэнтальнасьці беларусаў. У правядзеньні такіх мерапрыемстваў ёсьць дзьве асноўныя мэты. Першая – гэта выцягваньне грошай. Грамадзяне павінны дзённы заробак аддаць у бюджэт. Штогод з кішэняў грамадзян выцягваюцца мільёны даляраў. Другі момант – гэта псыхалягічны прымус, бо ўдзел у суботніках – гэта постсавецкі атавізм. Прымушаньне людзей удзельнічаць у абсурдных мерапрыемствах, як суботнікі ці парады, гэта мэханізм зламаньня свабоды, гэта прымус падпарадкоўвацца загадам зьверху. Такім чынам ствараецца мэханізм, які пазбаўляе людзей права не ўдзельнічаць у абсурдных мерапрыемствах.

У далучаным гукавым файле слухайце камэнтар да заяваў А. Лукашэнкі аб тым, што рэфэрэндуму па зьмене Канстытуцыі ў краіне ня будзе.

ав