Павел Якубовіч: У Беларусі свабоды слова ня менш, чым у Польшчы
„У нас ёсьць сваё „Радыё Марыя”, - гаворыць былы галоўны рэдактар газэты „СБ. Беларусь Сегодня”.
„Калі сыходзіць з таго, што свабода слова – гэта нешта матэрыяльнае, то ў Беларусі яе нашмат больш, чым у суседніх краінах, і напэўна больш, чым ва Ўкраіне й Расеі. Тут кругласутачна вяшчаюць СМІ, якія рэзка крытыкуюць уладу. Вяшчае польскі тэлеканал „Белсат” і іншыя радыёстанцыі, напрыклад, амэрыканскае Радыё Свабода й шмат расейскіх сродкаў масавай інфармацыі”, - кажа ў інтэрвію газэце „Rzeczpospolita” былы галоўны рэдактар дзяржаўнай газэты „СБ. Беларусь Сегодня” Павел Якубовіч.
Ягонага стаўленьня па гэтаму пытаньню не мяняе нават факт, што паводле апошняй справаздачы арганізацыі „Рэпарцёры бязь межаў” з усіх краін найменш свабоды СМІ маюць менавіта ў Беларусі.
„Я ня ведаю, як ствараюцца гэтыя справаздачы. Аднойчы ў мяне быў кантакт з журналістамі бязь межаў. Я быў у іх парыскім офісе й пакінуў яго вельмі расчараваны, таму што я інакш уяўляў сабе працу гэтай арганізацыі. У Беларусі свабоды слова ня менш, чым у Польшчы. У нас таксама ёсьць сваё „Радыё Марыя” (радыёстанцыя пад такой жа назвай дзейнічае ў Беларусі ў 2016 году - рэд.),” – тлумачыць Якубовіч.
Ён нагадвае, што адной зь ягоных найважнейшых задач на пасадзе галоўнага рэдактара дзяржаўнай газэты была барацьба з прапагандысцкай мовай расейскіх СМІ.
„У многіх матэрыялах расейскіх станцыяў была бачная непавага ў дачыненьні да Беларусі ў выглядзе сындрому „старэйшага брата”. Я змагаўся з гэтым на старонках нашай газэты. Былі нават ідэі ўвядзеньня забароны на вяшчаньне расейскіх станцыяў на тэрыторыі Беларусі, але гэта не спадабалася людзям”, - успамінае рэдактар.
Павел Якубовіч, які на мінулым тыдні быў вызвалены Аляксандрам Лукашэнкам ад пасады галоўнага рэдактара газэты „СБ. Беларусь Сегодня”, цяпер ачольвае групу, якая зоймецца стварэньнем мэмарыяла ў менскім урочышчы Курапаты – месцы пахаваньня сотняў тысяч ахвяраў сталінскіх рэпрэсій.
„Мы ўжо абвясьцілі конкурс на лепшы праект, вызначылі межы ўрочышча. Цяпер мы зьбіраем сродкі. Дзякуючы нашым намаганьням клапаціцца пра парадак у Курапатах будуць гарадзкія ўлады. Калі ў архівах Беларусі знойдуцца якія-небудзь прозьвішчы ахвяраў, можна будзе падумаць аб стварэньні „сьцяны сьлёз”, якую калісьці прапанаваў Зянон Пазьняк (стваральнік „Беларускага народнага фронту”, які ў 1996 годзе эміграваў на Захад - рэд.). У першую чаргу нам трэба адгарадзіць гэтую тэрыторыю, і на гэта зьбіраем сродкі”, - заявіў Якубовіч.
Паводле яго, па гэтаму пытаньню пажаданай была б таксама супраца з польскім бокам.
„Мы павінны сумесна нагадваць пра трагедыю таталітарызму. У маім камітэце ёсьць людзі розных палітычных поглядаў, прадстаўнікі апазыцыйных партый. Ёсьць таксама гісторык Ігар Кузьняцоў, які займаецца дасьледаваньнем польскіх ахвяр гэтай трагедыі. Мы павінны сумесна зь Інстытутам нацыянальнай памяці Польшчы правесьці прэс-канфэрэнцыю, на якой маглі б падняць шэраг пытаньняў нашай агульнай гісторыі. Дыялёг паміж гісторыкамі ўжо працягваецца. Калі прадстаўнікі польскага ІНП захочуць са мной сустрэцца, дапамагчы й параіць, то мы будзем гэта толькі вітаць”, - кажа ў размове з газэтай „Rzeczpospolita” былы галоўны рэдактар беларускай урадавай газэты „СБ. Беларусь Сегодня”.
аз
„Калі сыходзіць з таго, што свабода слова – гэта нешта матэрыяльнае, то ў Беларусі яе нашмат больш, чым у суседніх краінах, і напэўна больш, чым ва Ўкраіне й Расеі. Тут кругласутачна вяшчаюць СМІ, якія рэзка крытыкуюць уладу. Вяшчае польскі тэлеканал „Белсат” і іншыя радыёстанцыі, напрыклад, амэрыканскае Радыё Свабода й шмат расейскіх сродкаў масавай інфармацыі”, - кажа ў інтэрвію газэце „Rzeczpospolita” былы галоўны рэдактар дзяржаўнай газэты „СБ. Беларусь Сегодня” Павел Якубовіч.
Ягонага стаўленьня па гэтаму пытаньню не мяняе нават факт, што паводле апошняй справаздачы арганізацыі „Рэпарцёры бязь межаў” з усіх краін найменш свабоды СМІ маюць менавіта ў Беларусі.
„Я ня ведаю, як ствараюцца гэтыя справаздачы. Аднойчы ў мяне быў кантакт з журналістамі бязь межаў. Я быў у іх парыскім офісе й пакінуў яго вельмі расчараваны, таму што я інакш уяўляў сабе працу гэтай арганізацыі. У Беларусі свабоды слова ня менш, чым у Польшчы. У нас таксама ёсьць сваё „Радыё Марыя” (радыёстанцыя пад такой жа назвай дзейнічае ў Беларусі ў 2016 году - рэд.),” – тлумачыць Якубовіч.
Ён нагадвае, што адной зь ягоных найважнейшых задач на пасадзе галоўнага рэдактара дзяржаўнай газэты была барацьба з прапагандысцкай мовай расейскіх СМІ.
„У многіх матэрыялах расейскіх станцыяў была бачная непавага ў дачыненьні да Беларусі ў выглядзе сындрому „старэйшага брата”. Я змагаўся з гэтым на старонках нашай газэты. Былі нават ідэі ўвядзеньня забароны на вяшчаньне расейскіх станцыяў на тэрыторыі Беларусі, але гэта не спадабалася людзям”, - успамінае рэдактар.
Павел Якубовіч, які на мінулым тыдні быў вызвалены Аляксандрам Лукашэнкам ад пасады галоўнага рэдактара газэты „СБ. Беларусь Сегодня”, цяпер ачольвае групу, якая зоймецца стварэньнем мэмарыяла ў менскім урочышчы Курапаты – месцы пахаваньня сотняў тысяч ахвяраў сталінскіх рэпрэсій.
„Мы ўжо абвясьцілі конкурс на лепшы праект, вызначылі межы ўрочышча. Цяпер мы зьбіраем сродкі. Дзякуючы нашым намаганьням клапаціцца пра парадак у Курапатах будуць гарадзкія ўлады. Калі ў архівах Беларусі знойдуцца якія-небудзь прозьвішчы ахвяраў, можна будзе падумаць аб стварэньні „сьцяны сьлёз”, якую калісьці прапанаваў Зянон Пазьняк (стваральнік „Беларускага народнага фронту”, які ў 1996 годзе эміграваў на Захад - рэд.). У першую чаргу нам трэба адгарадзіць гэтую тэрыторыю, і на гэта зьбіраем сродкі”, - заявіў Якубовіч.
Паводле яго, па гэтаму пытаньню пажаданай была б таксама супраца з польскім бокам.
„Мы павінны сумесна нагадваць пра трагедыю таталітарызму. У маім камітэце ёсьць людзі розных палітычных поглядаў, прадстаўнікі апазыцыйных партый. Ёсьць таксама гісторык Ігар Кузьняцоў, які займаецца дасьледаваньнем польскіх ахвяр гэтай трагедыі. Мы павінны сумесна зь Інстытутам нацыянальнай памяці Польшчы правесьці прэс-канфэрэнцыю, на якой маглі б падняць шэраг пытаньняў нашай агульнай гісторыі. Дыялёг паміж гісторыкамі ўжо працягваецца. Калі прадстаўнікі польскага ІНП захочуць са мной сустрэцца, дапамагчы й параіць, то мы будзем гэта толькі вітаць”, - кажа ў размове з газэтай „Rzeczpospolita” былы галоўны рэдактар беларускай урадавай газэты „СБ. Беларусь Сегодня”.
аз