Польскія ўлады плянуюць абмежаваць замежны капітал у СМІ
Падобныя абмежаваньні дзейнічаюць у Францыі, тлумачыць афіцыйная Варшава.
Польскія ўлады хочуць абмежаваць замежны капітал у СМІ. Паводле выданьня „Gazeta Wyborcza”, максымальны памер замежных інвэстыцый у мэдыякампаніях не павінны перавышаць 20%.
Калі ў нейкіх СМІ замежны капітал будзе складаць больш за 20%, то яны павінны будуць прадаць частку сваіх акцый польскаму інвэстару.
Палітыкі кіроўнай партыі тлумачаць, што падобныя абмежаваньні для замежных інвэстараў у сродках масавай інфармацыі дзейнічаюць таксама ў іншых краінах, напрыклад, у Францыі.
Кіроўная партыя „Права й справядлівасьць” хоча дэканцэнтрацыі або палянізацыі тых СМІ, якія, паводле ўладаў, ня маюць польскага капіталу, а замежны, у асноўным нямецкі.
„Пытаньне будзе вырашанае, хоць і выклікае вялікі пратэст”, - паведаміў тыдзень таму ў інтэрвію тэлебачаньню Trwam старшыня кіроўнай партыі Яраслаў Качыньскі. Палітык дадаў, што дэканцэнтрацыя СМІ - гэта разам з рэформай судовай сыстэмы адна з найважнейшых задачаў ураду.
У Польшчы гэтае абмежаваньне магло б закрануць, напрыклад, выдавецтва Polska Press, уласьнікам якой зьяўляецца нямецкага група Passau. Нагадаем, выдавецтва мае 20 рэгіянальных газэт у 15 ваяводзтвах, а таксама папулярныя мясцовыя парталы.
Плянаваная дэканцэнтрацыя можа закрануць таксама групу TVN, якая лічыцца крытычнай у дачыненьні да польскіх уладаў. Група TVN належыць амэрыканскай кампаніі Scripps Networks Interactive. Дарэчы, групу неўзабаве плянуе купіць іншы амэрыканскі мэдыягігант Discovery, паведамляе „Gazeta Wyborcza”.
аз
Польскія ўлады хочуць абмежаваць замежны капітал у СМІ. Паводле выданьня „Gazeta Wyborcza”, максымальны памер замежных інвэстыцый у мэдыякампаніях не павінны перавышаць 20%.
Калі ў нейкіх СМІ замежны капітал будзе складаць больш за 20%, то яны павінны будуць прадаць частку сваіх акцый польскаму інвэстару.
Палітыкі кіроўнай партыі тлумачаць, што падобныя абмежаваньні для замежных інвэстараў у сродках масавай інфармацыі дзейнічаюць таксама ў іншых краінах, напрыклад, у Францыі.
Кіроўная партыя „Права й справядлівасьць” хоча дэканцэнтрацыі або палянізацыі тых СМІ, якія, паводле ўладаў, ня маюць польскага капіталу, а замежны, у асноўным нямецкі.
„Пытаньне будзе вырашанае, хоць і выклікае вялікі пратэст”, - паведаміў тыдзень таму ў інтэрвію тэлебачаньню Trwam старшыня кіроўнай партыі Яраслаў Качыньскі. Палітык дадаў, што дэканцэнтрацыя СМІ - гэта разам з рэформай судовай сыстэмы адна з найважнейшых задачаў ураду.
У Польшчы гэтае абмежаваньне магло б закрануць, напрыклад, выдавецтва Polska Press, уласьнікам якой зьяўляецца нямецкага група Passau. Нагадаем, выдавецтва мае 20 рэгіянальных газэт у 15 ваяводзтвах, а таксама папулярныя мясцовыя парталы.
Плянаваная дэканцэнтрацыя можа закрануць таксама групу TVN, якая лічыцца крытычнай у дачыненьні да польскіх уладаў. Група TVN належыць амэрыканскай кампаніі Scripps Networks Interactive. Дарэчы, групу неўзабаве плянуе купіць іншы амэрыканскі мэдыягігант Discovery, паведамляе „Gazeta Wyborcza”.
аз