Як палякі заваявалі Галівуд

Фірма з Аполя (Opole) Moviebird International вырабляе апэратарскія краны, якія заваявалі Галівуд. Цяпер Moviebird інвэстуе ў дасьледчыцкі цэнтар і плянуе захапіць сусьветную кінаіндустрыю.

Вядомая ўжо ва ўсім сьвеце фірма вырабляе электронныя тэлескапічныя апэратарскія краны. На польскіх кранах гадамі працуе Галівуд. Сьпіс кінапрадукцый уражвае: на чале сёлета абсыпаны "Оскарамі" мюзікл «Ла-ла-лэнд», «Mission Impossible», «Гадзіла», «Spiderman» і тэлесэрыял «Гульня стальцоў».

Краны апольскай фірмы Moviebird International працуюць таксама ў студыях усіх польскіх тэлестанцый. Фірма прадае сваю вытворчасьць у Шанхаі і неўзабаве ў Пэкіне.

У Moviebird працуе 40 чалавек. За год фірма выпускае толькі 25 кранаў. Найбольшы важыць 3 тоны і можа вынесьці камэру на 19 мэтраў. Такі апарат каштуе 400 тысяч эўра.

Gazeta Wyborcza/яс