«Тутэйшым» – 30 гадоў

У той час яшчэ існаваў Савецкі Саюз. Кнігі цэнзураваліся, а маладыя творцы ня мелі магчымасьці выдаваць свае зборнікі, асабліва, калі не былі сябрамі пісьменьніцкіх саюзаў.

У такіх умовах у сьнежні 1986 году ў інтэрнатаўскім пакоі Анатоля Сыса ў Менску ўзьнікае Таварыства маладых літаратараў «Тутэйшыя», якое адыграла значную ролю ня толькі ў творчым, але і ў палітычным жыцьці Беларусі ў канцы 80-х гадоў мінулага стагодзьдзя.

Згаданы ўжо Анатоль Сыс, Адам Глёбус, Сяргей Дубавец, Алесь Бяляцкі, Пятро Васючэнка, Сяргей Шупа й Людміла Рублеўская – гэта й так далёка ня ўсе прозьвішчы беларускіх пісьменьнікаў, якія былі зьвязаныя з «Тутэйшымі».
Іх творчы шлях пазьней склаўся па-рознаму, але ўсе яны пачыналі менавіта ў гэтай літаратурнай суполцы, якая ўзьнікла 30 гадоў таму.

Адным з удзельнікаў «Тутэйшых» быў таксама Сяргей Кавалёў – сёньня прафэсар, выкладчык Аддзяленьня беларускай філялёгіі Люблінскага ўнівэрсытэту імя Марыі Складоўскай-Кюры. Зь ім размаўляе Яраслаў Іванюк.

слухайце гукавы файл