Саперніцтва за Ўсходнюю Эўропу ўвесь час працягваецца

Дасьледчыкі з амаль 20-ці краінаў у рамках 16-ці паралельных сэкцыяў разглядаюць вельмі шырокі спэктр беларускай гуманістыткі, эканомікі, пытаньняў сучаснай беларускай культуры ці дыяспары.

У рамках VІ Кангрэсу Дасьледчыкаў Беларусі ў Коўна адбылася таксама дыскусія на тэму "Усходняя Эўропа: выклікі і магчымасьці". Яе асноўнымі ўдзельнікамі былі Эгідзіюс Александравічус зь Летувы, Вольфганг Зэндэр зь Нямеччыны, Валер Карбалевіч зь Беларусі ды Ян Маліцкі з Польшчы.

Як лічыць кандыдат гістарычнзых навук, палітоляг Валер Карбалевіч з Аналітычнага Цэнтру "Стратэгія", дыскусія паказала пэўныя пункты сутыкненьня экспэртаў з розных краінаў. На ягоную думку, Усходняя Эўропа - гэта важны рэгіён для ўсяе Эўропы, і канфлікт, ці свайго роду саперніцтва за гэты рэгіён, увесь час працягваецца.

Гутарку з В. Карбалевічам запісаў Яраслаў Іванюк. Слухайце далучаны гукавы файл