Крохкае перамір’е ў Сырыі

27-га лютага пачало дзейнічаць перамір’е ў Сырыі. Апроч невялікіх інцыдэнтаў, рэжым спыненьня агню дзейнічае. Ці ўдасца спыніць вайну ў Сырыі? Пра гэта размова з экспэртам.

Міжнародныя размовы па Сырыі далі свой плён. Спачатку прадстаўнікі Расеі ды ЗША заявілі пра тое, што ў Сырыі пачнецца перамір’е. Потым гэтую інфармацыю пацьвердзілі афіцыйны Дамаск ды апазыцыя. На 7-а сакавіка заплянаванае аднаўленьне мірных перамоваў, якія павінны завершыць вайну ў Сырыі.

Аднак, гэтыя перамовы не датычаць Ісламскай дзяржавы, якая кантралюе значную частку сырыйскай тэрыторыі. То бок да поўнага міру ў Сырыі далёка. Яшчэ больш сумнеўным зьяўляецца магчымасьць захаваньня Сырыі як адзінай дзяржавы. Найбольш верагодна тое, што замест Сырыі будзе некалькі дзяржаў альбо аўтаномных тэрыторый, прагназуе экспэрт- міжнароднік з Цэнтра Астрагорскага Сяргей Богдан.

поўную размову слухайце ў гукавым файле

Размаўляў Юры Ліхтаровіч